სამიოდე ტურის წინ "ბარსელონას" 12 ქულიანი უპირატესობა "რეალთან" თვალსა და ხელს შორის მიმოიფანტა და ბოლო ტურში მადრიდის "ატლეტიკოსთან" მარცხის შემდეგ 3:4 ოთხ ქულამდე შემცირდა. "ამ მატჩისას ჩვენ უფრო იშვიათად ვფლობდით ბურთს, ვიდრე ჩვეულებრივი სხვა თამაშებში. - ამბობს "ბარსელონას" მთავრი მწვრთნელი ხოსეპ გვარდიოლა, - ასეთ დროს კი გარკვეული ყურადღებაა საჭირო. "ატლეტიკო" სწორხაზოვან ფეხბურთს თამაშობს, რაც ჩვენ მრავალრიცხოვან პრობლემას გვიქმინიდა. 2:0 რომ წავიყვანეთ ანგარიში, გადაწყობაც კი ვერ მოვახერხეთ, რომ მეტოქემ ერთი ბურთი გაქვითა. თამაშის ბოლოს კი დადგა საკითხი - ჩაგვერთო თუ არა მთელი ძალები გამარჯვების მოპოვებისთვის. არ ვეთანხმები იმ მოსაზრებას, რომ "ბარსელონას" კრიზისი დაეწყო, რომ გუნდი ახლა უფრო მალე იღლება. ჩვენ ყოველთვის გამარჯვებისთვის ვისწრაფით და ასე იქნება მომავალშიც. მართალია "რეალი" მოგვიახლოვდა, მაგრამ დარწმუნებული ვარ შევინარჩუნებთ უპირატესობას." - აცხადებს გვარდიოლა.