"ლიონის" მთავარმა მწვრთნელმა კლოდ პიუელმა განაცხადა, რომ დიდი შანსია "ლიონის" ფორვარდმა კარიმ ბენზემამ ითამაშოს ჩემპიონთა ლიგის განმეორებით მერვედფინალურ მატჩში "ბარსელონასთან", რომელიც "ნოუ კამპზე" გაიმართება. "ბენზემას კუნთი არა აქვს გაწყვეტილი, არც ძვალი აქვს დაზიანებული, "რენთან" თამაშისას მან მიიღო მძიმე დარტყმა გულ-მკერდის არეში. შესაძლოა მან გამოტოვოს უახლოესი თამაში "ლილთან" საფრანგეთის თასზე, მაგრამ სრულყოფილად მომზადებული იქნება "ბარსელონასთან" თამაშისათვის" - აცხადებს "ლიონის" თავკაცი.