 მარსელოს მიაჩნია,რომ ბარსელონა და მისი გულშემატკივრები ანერვიულდებოდნენ მას შემდეგ,რაც დაინახავდნენ,რომ სხვაობა მადრიდის რეალსა და ბარსელონას შორის ოთხ ქულამდეა შემცირებული,რაც ამ ტურში ესპანიოლის მისსავე მოედანზე 2:0 დამარცხებითაა განპირობებული. ბრაზილიელმა ესპანიოლთან მატჩში იგუაინი შეცვალა და მას მიაჩნია,რომ ბლანკოსების მოგება წნეხის ქვეშ დააყენებს პეპ გვარდიოლასა და მის შეგირდებს.ბარსელონა სტუმრად თამაშობს მადრიდის ატლეტიკოსთან და თუ ესპანიოლმა მოახერხა ლიდერების დამარცხება კამპ ნოუზე,მარსელოს მიაჩნია,რომ ატლეტიკოსაც შეუძლია იგივეს გამეორება. “ჩვენ ყოველთვის გვწამდა,რომ ბარსელონასთან სხვაობას შევამცირებდით.ეხლა მათთან ძალიან ახლოს ვართ და მიმაჩნია,რომ ეს კიდევ ერთ თავსატეხს გაუჩენს მათ.ჩვენ თავდადებით ვიბრძვით.ჩვენთვის უმნიშვნელოვანესია ყოველ თამაშში სამი ქულის აღება და ძალიან კარგი იქნება,თუ ატლეტიკოს ხელს წაგვაშველებს”-განაცხადა ბრაზილიელმა საკუთარი კლუბის ოფიციალური ვებგვერდისთვის მიცემულ ინტერვიუში. აღსანიშნავია,რომ თვითონ მადრიდის რეალიც იმყოფება ერთგვარი წნეხის ქვეშ,ვინაიდან მის გულშემატკივრებს მიაჩნიათ,რომ კლუბს ბარსელონას გასწრების შანსები აქვს და ისინი ფეხბურთელებისგან მაქსიმალურის გაღებას მოითხოვენ,რაც მარსელოს თქმით არ შეიძლება ფეხბურთელებზე არ აისახოს “მე თავს მშვენივრად ვგრძნობ და ბევრს ვმუშაობ იმისთვის,რომ ამ კლუბისთვის რაც შეიძლება მეტი ვითამაშო.ვფიქრობ,რომ ზეწოლა ყოველდღიურად ძლიერდება,მაგრამ ჩვენ ცივი გონებით ვმოქმედებთ და მიგვაჩნია,რომ ყველა საჭირო ქულების აღება შეგვიძლია.აი თუ რატომ იყო ასე მნიშვნელოვანი ესპანიოლის დამარცხება”-დასძინა ბრაზილიელმა.
|
მეტი არც არაფერი შეგიძლიათ 
მოემზადეთ ბერნაბეუზე ბარსასთანშესახვედრათ 
ჩვენ ვემზადებით უკვე 
