"მილანის" წარმომადგენლები შეხვდნენ "ბარსელონას" კამერუნელი ლეგიონერის სამუელ ეტოოს აგენტს, რათა განეხილათ "როსონერებში" ფეხბურთელის გადასვლის პირობები. ეს უკვე რიგით მეორე შეხვედრაა. ასეთი წარმომადგენლობითი პირველი შეხვედრა ერთი წლის წინ შედგა. ახლანდელი კონტრაქტით კამერუნელი "ბარსელონას" 2010 წლამდე ეკუთვნის, თუმცა, როგორც ეტოო აცხადებს, "ბარსელონაში" დარჩენას აღარ აპირებს. "დავრჩები თუ არა "ბარსელონაში"? - სვამს რიტორიკულ კითხვას ეტოო, - გადაწყვეტილება უკვე მივიღე, მაგრამ კონკრეტულად რა არის ეს გადაწყვეტილება, ჯერჯერობით არ ვიტყვი." ამ ეტაპზე ეტოო "ბარსელონას" ბომბარდირია, მან 22 მატჩში 23 ბურთი გაიტანა.