სერბი მამისა და ესპანელი დედის შვილი,ბოიან კრკიჩი დაიბადა კატალონიაში. 1999 წლიდან,ის თამაშობდა ბარსელონას ახალგაზრდულ გუნდში.მისი დებიუტი ბარსას პირველ გუნდში შედგა 2007 წლის 24 აპრილს გამართულ ამხანაგურ მატჩში al-ahly-ს წინააღმდეგ და გოლიც გაიტანა. ბოიანმა თავისი პირველი ოფიციალური მატჩი 2007 წლის 16 სექტემბერს ოსასუნასთან შეხვედრაში ჩაატარა და სამიოდე დღის შემდეგ ჩემპიონთა ლიგაშიც შედგა მისი დებიუტი. ის იყო ყველაზე ახალგაზრდა ფეხბურთელი ბარსას ისტორიაში, რომელმაც ჩემპიონთა ლიგაში ითამაშა(17 წლის და 22 დღის). პირველი გოლი ჩემპიონთა ლიგაში შალკესთან შეხვედრაში 2008 წლის 1 აპრილს გაიტანა. მან სეზონი 10 გატანილი გოლით დაასრულა და რაულის რეკორდი დაამხო სადებიუტო სეზონში გატანილი გოლების რაოდენობის მიხედვით.
