ზაფხულში “სიტი” მზადაა “ბარსელონას” არგენტინელ ვარსკვლავში 100 მილიონი ფუნტი სტერლინგი შესთავაზოს.
პრემიერლიგის ყველაზე მდიდარი კლუბი აპირებს სატრანსფერო რეკორდი დაამყაროს - გვატყობინებს ყველაზე ავტორიტეტული ბრიტანული გაზეთი “The Sun”. “ქალაქელების” მფლობელი სულეიმან ალ-ფაჰიმი შეყვარებულია მესიზე და მისი გადაბირების დიდი სურვილი ამოძრავებს: “მე არ ვიცნობ მარადონას, არასდროს მიმუშავია მასთან. რაც შეეხება მესის, მან მე არგენტინა შემაყვარა.” - განაცხადა არაბმა მილიარდელმა. მესი მიმდინარე სეზონში შთამბეჭდავად ასპარეზობს, პრიმერას 22 თამაშში 17 გოლი გაიტანა, ხოლო ჩემპიონთა ლიგაზე ექვსჯერ დაამწუხრა მეტოქე მეკარეები. ჯერ-ჯერობით კატალონიური მხარე დუმს, თუმცა ნაკლებად სავარაუდოა ლაპორტამ მთავარი მარგალიტი გაუშვას.
ზაფხულში “სიტი” მზადაა “ბარსელონას” არგენტინელ ვარსკვლავში 100 მილიონი ფუნტი სტერლინგი შესთავაზოს. 
