ბოიან კრკიჩის მიერ ბილბაოს “ატლეტიკის” კარში გატანილი მეორე გოლი არა მხოლოდ შეხვედრაში სამი ქულის ვადაზე ადრე მოპოვება, არამედ “ბარსას” სათამაშოს სტილის ხაზგასმაც იყო.
ეს გოლი გავიდა ზუსტად 1 წუთისა და 49 წამის შემდეგ იმ მომენტიდან, როდესაც ხავიმ მოედნის ცენტრში მოიპოვა ბურთი. დროის ამ მონაკვეთში “ბარსას” ფეხბურთელებმა ზედიზედ 37 გადაცემა გააკეთეს ისე, რომ ბურთს მოწინააღმდეგე არ შეხებია. ყველაფერი დაიწყო 53–ე წუთზე, როდესაც ხავიმ ბურთი მოიპოვა და მესის გადააწოდა. ამ გადაცემით კატალონიელმა დაიწყო 37 მოკლეპასიანი კომბინაცია, რომელიც გატანილი გოლით დასრულდა. შეტევა კი დანი ალვეშის პასით და ბოიანის დარტყმით დასრულდა.
ამ კომბინაციაში ვიქტორ ვალდესის და რაფა მარკესის გარდა “ბარსელონას” ყველა ფეხბურთელმა მიიღო მონაწილეობა. ალვეშმა 6 გადაცემა გააკეთა; პიკემ, სილვინიომ, ხავიმ და კეიტამ 5–5; ბოიანმა 4, მესიმ და ინიესტამ 3–3 და ტურემ 1.
